 |
Romanos pontium aedificandorum peritissimos fuisse constat. Caesar in commentariis de bello Gallico scriptis se pontem primum trans Rhenum extruendum curavisse tradidit. Quem pontem prope Bonnam opinamur. Compluribus annis post - anno XI.p.Chr.n. - Drusus imperator pontem ligneum trans Rhenum aedificari iussit, quem pontem Bonnam cum Gesonia iunxisse Florus scriptor commemorat. Bonna urbe duo milia annorum complente incolae diem festum agentes eo loco statuam Caesaris celebrandi causa posuerunt.  ad tabulam |